လက်လုပ်ပုံပြင်

မုတ်သုံဘယ်နှစ်ခေတ်စာ ငါတို့
ကျောက်တုံးကျောက်ခဲတွေလို ဆွံ့အနေထိုင်ခဲ့ကြပြီလဲ
ပတ္တမြားယောင်မဆောင်ဘဲ နွံအတုထဲ တွင်းဆုံးအထိ ခုန်ဆင်းလိုက်ကြ
ခေတ်အဆက်ဆက် အိပ်မက်တွေအညွန့်တုံးနေခဲ့တာ
ဟောဒီ့ရပ်ပြစ်ရှစ်ပါးတွေ တဗြောဗြောရွာသွန်းခဲ့ရာဖုန်းဆိုးမြေမှာလေ။

အမှန်တကယ် ငါတို့ဘာမှ မတတ်နိုင်ကြတော့ဘူးလား၊
သူလိုငါလိုအသက်ရှူရရုံသက်သက်နဲ့
လူ့အဖြစ်ကို မျက်နှာပြောင်တိုက်ကြ၊ ထိုးကျွေးကြ
အသေခံမလား၊ ဖ(-)ခံမလားလို့ ဖြစ်တည်မှုက ထမေးတဲ့အချိန်မှာ
ငါတို့ဟာ ခပ်ရှက်ရှက်နဲ့ပဲ ဒုတိယအရာကိုရွေးချယ်လိုက်ကြရဲ့။

ရပ်မနေဘူး၊
တချိန်တော့ ငါတို့လည်း ကြီးရင့်အရွယ်ရောက်လာကြ
သားမြေးမြစ်မျိုးဆက်သစ်တွေရှေ့ မှာ
လူကြီးသူမ တန်ဆာပလာတွေထဲ ငါတို့ ကောက်ကာငင်ကာ ပစ်ဝင်
ပြီး.. မျိုးဆက်သစ်တွေကို ခပ်တည်တည်သွန်သင်ဆုံးမကြပေလိမ့်
ရန်သူမျိုးငါးပါး။ ရပ်ပျက်ရှစ်ပါးအကြောင်းတွေ တရားဟောလို့ 
ငါတို့ကိုယ်ငါတို့  ပုံပြင်ထဲက ဇာတ်လိုက်ကြီးတွေလုပ်လို့။

ဇာတ်လမ်းထဲမှာ
ငါတို့ ဟာ
ကိုယ့်အတ္တကြီးမှန်းကိုယ် မသိနိုင်လောက်သည်အထိ
ပိပိရိရိ ဟန်ဆောင်ကောင်းခဲ့ကြတယ်ဆိုတဲ့ အချက်ကိုတော့
တစ်ညီတစ်ညွတ်တည်း ထိန်ဝှက်ထားခဲ့ကြမယ်။ ။

ဟိုလူ
The Third Testament blog မှ